ករណីដែលអ្នកបម្រុងនឹងប្រើប្រាស់ ឬទើបតែប្រើប្រាស់ទូរសព្ទម៉ូដែលថ្មីណាមួយ អ្នកតែងឭនូវពាក្យណែនាំជាច្រើនពីអ្វីដែលគួរតែធ្វើដំបូងគេ ប៉ុន្តែហាក់មិនមានការណែនាំអំពីអ្វីដែលមិនគួរធ្វើនោះទេ។
ខាងក្រោមជាការណែនាំពីរឿងពុំគួរធ្វើបួនយ៉ាងចំពោះអ្នកទើបប្រើប្រាស់ទូរសព្ទ Android លើកដំបូង៖
- ពុំគួរទិញទូរសព្ទ Android ណាដែលគ្មានការអាប់ដេតប្រព័ន្ធប្រតិបត្តិការ
និយាយពីការអាប់ដេតប្រព័ន្ធប្រតិបត្តិការវាប្រៀបដូចជាចំណុចអវិជ្ជមានដ៏ធំមួយចំពោះទូរសព្ទ Android។ នេះក៏ដោយសារតែមានទូរសព្ទមួយចំនួនស្ទើរតែមិនទទួលបានការអាប់ដេតប្រព័ន្ធប្រតិបត្តិការថ្មីសោះ ទោះបីជាវាជាទូរសព្ទស៊េរីថ្មីដែលទើបនឹងចេញក្ដី។ ប៉ុន្តែក៏មានទូរសព្ទមួយចំនួនរបស់ក្រុមហ៊ុនមួយចំនួននៅតែទទួលបានការអាប់ដេតថ្មីៗជាក់ស្ដែងដូចជា Samsung, Sony, HTC ឬ Google ជាដើម។
- ពុំគួរដំឡើងកម្មវិធីមួយដោយមិនបានស្រាវជ្រាវជាមុន
នៅពេលចង់ដំឡើងកម្មវិធីអ្វីមួយ កុំធ្វើការដំឡើងដោយស្រេចតែចិត្តដោយមិនបានត្រួតពិនិត្យឲ្យល្អិតល្អន់ជាមុនឲ្យសោះ ព្រោះកម្មវិធីនៅលើ Play Store មិនមែនសុទ្ធតែមានសុវត្ថិភាពទាំងអស់នោះទេ។
- ពុំគួរប្រើកម្មវិធីជំនួយថាមពលថ្មទូរសព្ទ
ពីមុនមកកម្មវិធីជំនួយថាមពលថ្មទូរសព្ទមានការពេញនិយមខ្លាំងសម្រាប់ការបិទកម្មវិធីទូរសព្ទដើម្បីសន្សំសំចៃថ្មទូរសព្ទ ប៉ុន្តែបច្ចុប្បន្ននេះប្រព័ន្ធ Android មានសមត្ថភាពគ្រប់គ្រាន់អាចធ្វើការចាត់ចែងកម្មវិធីទូរសព្ទទាំងនោះបានដោយមិនចាំបាច់ដំឡើងកម្មវិធីជំនួយ។
- ពុំគួរ Root ទូរសព្ទលុះត្រាតែអ្នកប្រាកដថាខ្លួនកំពុងធ្វើអ្វី
ការ Root ទូរសព្ទគឺជាចំណុចដ៏ធំមួយគួរពិចារណា ដោយសារវាអាចបណ្ដាលឲ្យទូរសព្ទថ្មីសន្លាងរបស់អ្នកប្រើការលែងកើត ប្រសិនបើមានកំហុសចៃដន្យអ្វីមួយ។ ត្បិតថាមានវិធីសាស្ត្រច្រើនយ៉ាងដើម្បីជួសជុលទូរសព្ទឡើងវិញប៉ុន្តែគួរណាជៀសវាងពីការ Root នេះល្អជាង៕
ចំណុចទាំង៤យ៉ាងដែលអ្នកប្រើប្រាស់ Android គួរយកចិត្តទុកដាក់
![ចំណុចទាំង៤យ៉ាងដែលអ្នកប្រើប្រាស់ Android គួរយកចិត្តទុកដាក់]()
Reviewed by Unknown
on
5:30 PM
Rating:
No comments: